web

web - narichten - bilder - verzeichnis - firmen + mehr

erweiterte suche

Im Cache

  lé train j'aime bein viagi par train. y'a trop dé stress en viageant par avion et j'sis d'avis qu'les aéroports sont, comme nou dit, l'enfé sus la tèrre. en génétha, l's aéroports sont bâtis trop liain des villes - mais pèrsonne né veurt vraînment d'meuther dans l'vaîsinné d'un aéroport auve tout l'brit des avions. épis i' faut prendre un taxi ou eune beusse ou un train pouor arriver en ville. auve les bagages, ch'est trop d'travas. ch'est bein pus sîmpl'ye - et pus confortabl'ye dé faithe tout l'viage par lé train car nou-s'arrive en ville et y'a tréjous des hôtels dans l'vaîsinné des grandes stâtions. à noué, j'vîsitis londres et j'allis à paris pouor la journée par l'ûrostar tchi va par la tonnelle souos la manche. au mais d'dézembre, quand nou tchitte la stâtion d'waterloo i' fait nièr lé matîn et don nou n'vait pon grand'chose avant d'arriver à la tonnelle - tch'est nièr étout, bein seu. et trais heuthes auprès l'départ d'londres, né v'là la stâtion du nord à paris. paris, tout comme londres, a san c'mîn d'fé souostèrrain. y'a des difféthences, bein seu, mais j'crai qu'la cheinne qué nou-s'èrmèrque l'pus est qu'à paris les trains ont des reues auve des tyeurs. des gens mé d'mandent assez souvent si j'ai fait l'viage par lé c'mîn d'fé trans-sibérien en russie. nânnîn - man seul viage en train hors l'ûrope jusqu'ichîn a 'té un p'tit viage par la côte asiatique dé stamboul. mais cèrtainement, j'ai prîns l'train pouor aller à moscou. y'a chent ans, ch'tait pôssibl'ye d'acater un titchet dé st. hélyi à moscou - lé viage 'tait d'la pompe dé haut jusqu'à gouôrray pis l'baté à cart'ret et pis l'train à paris et pis pouor moscou. i' sembl'ye qué l'mâjeur rybot lé fit avant la révolution russe en mil neu chents dgiêx-sept. mé j'ai fait l'viage à moscou, en prannant l'baté à saint-mâlo, pis l'train à rennes, dé rennes nou va vite à paris par lé tgv et pis nou prend l'train pouor moscou. ch'est un long viage - mais i' m'est avis qué ch'est pus agréabl'ye dé s'accouôteunmer à la vie russe duthant deux jours qué d'arriver à l'aéroport sheremetyevo à moscou auve chein qu'nou-s'appelle lé choc d'la tchultuthe. i' faut pâsser deux nyits sus l'train - y'a des lyits d'pathai dans l'compartiment. nou peut liéthe, baithe des vèrrées d'thée russe au limon et r'garder l'paysage tchi pâsse. y'a eune chose tch'est bein întérêssant: la chose en est qu'les rails du c'mîn d'fé d'l'ancienne unnion soviétique sont d'eune pus grande laîze qu'les cheins du vouêst, et don à la frontchiéthe dé bélarus à brest-litovsk, nou lève les ouadgîns pouor changi les reues. les passagièrs restent dédans duthant ch't' exèrcice. moscou a san c'mîn d'fé souôstèrrain étout tch'est spectatchulaithe auve des mosaïques, des colonnes en marbe et des stchulptuthes d'ouvrièrs héroïques. j'tais à moscou quand la muthâle dé bèrlîn tchit en mil neu chents huiptante-neuf, et j'èrvîns en jèrri par lé train tchique jours auprès chenna. en allant à moscou, quand nou pâssit par bèrlîn, les soudards avaient contrôlé touos les pâsseports et dotchûments d'eune manniéthe hardi sévèthe coumme dé couôteunme, mais chutte fais-là en èrpâssant dé bèrlîn d'l'êst au vouêst y'avait des souôris et d's învitâtions d'continnuer sans visa et sans problième. nos auteurs jèrriais ont viagi étout et laîssi des descriptions d'lus împressions. john lock, un st. bréladais tchi travaillait à londres, env'yit un rapport sus l'nouvieau c'mîn d'fé souostèrrain d'londres à la nouvelle chronique en mil huit chents nénante. né v'chîn tchiques buts dé chein qu'il êcrivit: la dèrrhnièthe et pus nouvelle chose à londres ch'est l'q'min d'fé électrique - drole dé bastringue ch'la. il a à pé près treis milles de long: pus ou mains comme d'la ville à st. aubin, i'l'y'a sièz stations - all told. imagine un grand gas pipe dé d'ghèz huit pids d'giamèttre, septente pids souos tèrrh nou peut d'scendre par dé biyiaux d'grès ou par lé lift y'ieunne des stations est nommèh 'borough,' - bouan nom ch't'y là, extrem'ment à propos, y dév'thaient tout d'même l'êp'lé burrow car ch'est justement comme un lopin d'lapins: faithe des creux souos tèrrh comme ch'là; sinon qué les lapins n'ont pas la veux électrique..... ....ch'est mèrrhveilleusement bein'ne arrangi et j'cré qué la ride de la citéh à stockwell est pour 4 sous la miyeuthe marchi ride du monde. bouan viage! geraint jennings la lettre jèrriaise janvyi 2003     viyiz étout: lé transport le c'min d'fé le qmin-dfé lé q'min d'fé électrique d'la ville de st.-héyer, j'emporte 48 pâssag'yiers    

Retour aux résultats

LocoTrain is a part of the group Web Trains : advertisers - charter - copyright - leg/CNIL/Statistics - press releases - email. Jede Reproduktion ist verboten.